Smári McCarthy þingmaður Pírata væntir þess að Sigríður Á. Andersen dómsmálaráðherra segi af sér í dag í kjölfar úrskurðar Úrskurðarnefndar um upplýsingamál. Í úrskurðinum sem kveðinn var upp í gær kom fram að í máli Róberts Downey, áður Róberts Árna Hreiðarssonar, hafi ráðuneytið ekki farið eftir þeirri meginreglu að bíða í fimm ár frá því að umsækjandi lauk afplánun þangað til viðkomandi fengi uppreista æru, en Sigríður sagði á opnum fundi allsherjar- og menntamálanefndar í sumar að það væri þungbært að afgreiða sumar umsóknir en það hafi verið tekin ákvörðun um að afgreiða málið með tilliti til jafnræðis og stjórnsýslureglna.

Smári deilir á Fésbók frétt Stundarinnar þar sem kom fram að ráðuneytið hafi neitað að veita fjölmiðlum upplýsingar um mál Roberts Downey með þeim rökum að ekki lægi fyrir samþykki Roberts, en fram kom í úrskurðinum að ekki hafi verið óskað eftir afstöðu hans né þeirra sem veittu honum vottorð um góða hegðun. Smári segist vænta afsagnar ráðherra strax í dag, undir það tekur Gunnar Hrafn Jónsson samflokksmaður hans sem segir á Fésbók:

Jón Þór Ólafsson þingmaður Pírata hefur að sama skapi óskað eftir opnum fundi í stjórnskipunar- og eftirlitsnefnd Alþingis með dómsmálaráðherra vegna framgöngu hennar í máli Roberts Downey.