Pawel Bartoszek, fyrrum þingmaður Viðreisnar, segist á Facebook síðu sinni hafa komið því áleiðis til uppstillingarnefndar Viðreisnar, að hann sækist eftir sæti ofarlega á lista flokksins í komandi borgarstjórnarkosningum.

„Reykjavík er frábær borg. Hún dregur til sín hæfileikaríkt fólk frá öllu landinu og öllum heimshornum. Hún er oftar en ekki aðdráttaraflið dregur þá Íslendinga sem flutt hafa til útlanda aftur heim. Reykjavík er frábær borg og mig langar að hjálpa til við að gera hana enn betri.

Ég hef látið uppstillingarnefnd Viðreisnar vita að ég sækist eftir sæti ofarlega á lista fyrir komandi borgarstjórnarkosningar.“

Viðreisn hefur leitað samstarfs við Bjarta framtíð um sameiginleg framboð á landsbyggðinni, en ekki er talið líklegt að svo verði í borginni, þar sem Björt framtíð nær ekki inn manni samkvæmt nýlegri könnun.