Mjölnir ætlar að vígja nýjan yogasal í glæsilegu nýju húsnæði í Öskjuhlíðinni með 108 sólarhyllingum. Á Facebook síðu viðburðarins kemur fram að þetta sé örlítið ögrandi æfing á huga og líkama en einnig vel geranleg fyrir alla og ætti að bjóða upp á góða skemmtun.
Sólarhyllingarnar verða brotnar niður í fjórar lotur þar sem framkvæmdar verða 27 hyllingar í einu með góðri hvíld á milli. Síðan verður endað á spjalli yfir grænum drykk og tek í Drukkstofunni. Þar munu allir yogakennarar Mjölnis vera til staðar fyrir þá sem hafa spurningar.
Af hverju 108 sólarhyllingar?
108 er heilög tala úr Hindúisma en þar fyrir utan er hægt að finna hana í nánast öllum trúarbrögðum heims. 108 er yfirleitt talan af kúlum á talnaböndum og mölum,
kemur fram á Facebook síðu viðburðarins. Samkvæmt hefðinni eru 108 sólarhyllingar stundaðar við hækkandi sól og á því vel hér á Íslandi því hækkun og lækkun sólar er mikil.
Það er frítt inn og eru allir velkomnir á meðan pláss leyfir, hvort sem þú ert meðlimur Mjölnis eða ekki.
