Kominn er upp grunur um salmonellu í tveimur framleiðslulotum af nautgripahakki og blönduðu hakki frá Stjörnugrís, en Krónan sér um dreifinguna.

Dreifing vörunnar hefur verið stöðvuð og innköllunarferli hafið í samræmi við verklag framleiðanda. Til að fyrirbyggja áhyggjur neytenda er tekið fram í tilkynningu að hakkið er öruggt til neyslu ef það er eldað í gegn. Innköllunin á eingöngu við naugripahakk og blandað hakk með tilteknum rekjanleikanúmerum.

Um er að ræða eftirfarandi strikamerkI:

5694230203017
5694230203291

Og eftirfarandi lotunúmer:

7014-26110
7017-26110

Neytendur sem keypt hafa þessar vörur með þessum rekjanleikanúmerum eru beðnir um að skila þeim í viðkomandi verslun. Stjörnugrís biðst velvirðingar á þeim óþægindum sem þetta kann að valda.