Alls fengu 23 leikmenn rautt spjald eftir að hópslagsmál brutust út í úrslitaleik Campeonato Mineiro á milli Cruzeiro og Atletico Mineiro í Brasilíu..
Cruzeiro vann leikinn 1ö0 og tryggði sér ríkismeistaratitilinn í fyrsta sinn síðan 2019. Sigurmarkið skoraði Kaio Jorge.
Leikurinn endaði hins vegar með látum þar sem slagsmál brutust út. Uppákoman hófst þegar markvörður Atletico, Everson, ýtti miðjumanninum Christian niður og lagði hné á bringu hans eftir samstuð.
A MASSIVE TEAM BRAWL BREAKS OUT IN THE CAMPEONATO MINEIRO FINAL BETWEEN CRUZEIRO & ATLÉTICO MINEIRO! 😱pic.twitter.com/XJypp8KZNf
— Ginga Bonito 🇧🇷 (@GingaBonitoHub) March 8, 2026
Leikmenn Cruzeiro brugðust strax við og ýttu Everson upp að markstönginni, sem hratt af stað hópslagsmálum þar sem fjöldi leikmanna blandaði sér í málið. Öryggisverðir og lögregla þurftu að grípa inn í til að stöðva átökin.
Dómarinn Matheus Delgado Candançan náði ekki að vefa neinum rauðum spjöldum í leiknum sjálfum vegna ringulreiðarinnar. Síðar var hins vegar ákveðið að gefa 23 leikmönnum brottvísun.
Meðal þeirra sem fengu rautt spjald var fyrrum brasilíski landsliðsmaðurinn Hulk.
Það má sjá átökin í spilaranum hér ofar.
