Í tilefni páskahátíðarinnar breytist opnunartími skemmtistaða. Á heimasíðu lögreglunnar segir að „Skemmtanir, svo sem dansleikir eða einkasamkvæmi á opinberum veitingastöðum eða á öðrum stöðum sem almenningur hefur aðgang að, eru bannaðar á ákveðnum tíma um bænadaga og páska.“
Það sama gildir um skemmtanir á borð við bingó, happdrætti eða önnur spil. Á föstudaginn langa eru undanþegnar banninu listsýningar, tónleikar, leiksýningar og kvikmyndasýningar en þó má starfsemin ekki byrja fyrr en eftir kl. 15.
Miðvikudagurinn 23. mars – opið til kl. 03:00 eða 04:30 samkvæmt leyfi, aðfaranótt fimmtudags.
Fimmtudagurinn 24. mars (skírdagur) – Opið til miðnættis
Föstudagurinn 25. mars (föstudagurinn langi) – Lokað. Skemmtistaðir mega þó opna á miðnætti og vera með opið til kl. 03:00 eða 04:30 samkvæmt leyfi, aðfaranótt laugardags.
Laugardagurinn 26. mars – Opið til kl. 03:00, aðfaranótt sunnudags.
Sunnudagurinn 27. mars (páskadagur) – Lokað. Skemmtistaðir mega þó opna á miðnætti og vera með opið til kl. 03:00 eða 04:30 samkvæmt leyfi, aðfaranótt mánudags.
Mánudagurinn 28. mars (annar í páskum) – Opið til kl. 01:00
Gisti- og veitingastöðum er heimilt að hafa opið allan sólarhringinn. Veitingastaðir sem bera fram áfengi eru háðir tímamörkum samkvæmt leyfum frá viðkomandi sveitastjórn.
Lögreglan gerir ekki athugasemd við lágværa tónlist eða flutning sjónvarpsefnis, vegna þess að guðsþjónusta, kirkjuhald eða annað helgihald sé ekki truflað.
