Í kjölfar fjölmargra neyðarútkalla undanfarið hafa embættismenn Kanaríeyja gagnrýnt  ferðamenn fyrir að hunsa öryggisráðleggingar og hafa hótað að beita ferðamenn sektum fyrir.

„Neyðarbjörgunar- og leitaraðgerðir kosta sitt“, sagði Fernando Figuereo, yfirmaður neyðarþjónustu landsins. „Neyðarþjónustan er ekki ókeypis.“

Sem dæmi segir hann að notkun björgunarþyrlu í klukkustund geti kostað yfir 2.000 dali.

„Við skiljum að gáleysislegir einstaklingar þurfa að borga. Þetta snýst ekki um að refsa einhverjum sem hefur dottið, heldur fyrir gáleysi,“ sagði Figuereo á blaðamannafundi 10. febrúar.

Figuereo nefndi dæmi um að gestir hunsuðu rauða fána á ströndum, sem leiddi til sjóslysa.

„Við viljum að lögreglan á Kanaríeyjum, sem er virk á öllum eyjunum, komi að því svo hún geti skráð einstaklinga sem bjargað er ef vanræksla er sönnuð,“ sagði hann.

Ríkisstjórnin vinnur að því að semja nýjar breytingar á almannavarna- og neyðarlögum.

Í janúar lenti 23 ára ferðamaður í lífshættu eftir að hafa dottið á gönguferð í Los Gigantes-klettunum, svæði sem er óaðgengilegt yfirferðar.

Lík ferðamanns fannst í sama mánuði undan ströndum suðurhluta Lanzarote. Höfðu félagar hans tilkynnt að hans væri saknað. Köfunarteymi, slökkviliðsmenn, þyrla, björgunarsveitir á sjó og lögregla björguðu að lokum þremur félögum hins látna. Mennirnir voru sagðir vera nemendur í Madríd sem höfðu heimsótt svæðið saman. Þeir höfðu gengið inn á svæðið þrátt fyrir vegalokun.

Samkvæmt gögnum stjórnvalda heimsóttu um 18,4 milljónir ferðamanna, bæði erlendis frá og frá meginlandi Spánar, Kanaríeyjar árið 2025.