„Eru þeir ekki með svona Íslendingabók af því þeir þyrftu svo sannarlega á því að halda. Talandi um það þá er svona „inbreed“ veiki sem kallast Færeyska veikin og finnst eiginlega bara í Færeyjum. Börnin fæðast rosalega fötluð og ná oftast engum aldri,“

segir leikkonan Vivian Ólafsdóttir í viðtali í Fullorðins. Vivian á ættir að rekja til Færeyja, þar sem móðir hennar er færeysk og faðir hennar hennar íslenskur.

Í viðtalinu segir Vivian að Færeyingar þyrftu á svipuðum vef að halda og Íslendingabók, svo þeir geti rakið skyldleika sinn við aðra einstaklinga.

„Bróðir mömmu minnar er sá eini í systkinahópnum sem fann sér færeyskan maka og hún er ekki náskyld okkur, en auðvitað einhver frænka aftur í ættir. Ef þau eignast barn þá eru 75% líkur á að barnið sé með færeysku veikina. Þau hafa eignast fjögur börn og það er bara eitt lifandi í dag. Það er rosalegt.“

Segir Vivian að það sé hverju samfélagi þarft að fá blandast. Því meira sem við blöndumst sem mannkyn því sterkara verður genið okkar.