Laugardaginn 20. apríl árið 2024 veittu lögreglumenn á eftirlitsferð karli og konu við Landakotskirkju athygli. Karlinn hélt á svartri tösku og á móti honum stóð kona. Þegar þau veittu lögreglu athygli kastaði maðurinn töskunni í runna við hliðina á þeim og gengu þau síðan í burtu.
Í töskunni reyndist vera nokkurt af fíkniefnum, m.a. hassi og MDMA. Var maðurinn ákærður fyrir fíkniefnalagabrot með því að hafa haft í þessi efni í fórum sínum í sölu- og dreifingarskyni. Einnig fundust um 30 þúsund krónur í reiðufé, áætlaður afrakstur fíkniefnasölu.
Maðurinn neitaði sök en var sakfelldur, meðal annars á vitnisburði konunnar sem sagðist hafa ætlað að kaupa af honum fíkniefni en hafa hætt við það. Sagði hún að maðurinn tengdist hópi sem stundi fíkniefnasölu.
Ákærði var sakfelldur fyrir fíkniefnabrot í Héraðsdómi Reykjavíkur þann 22. janúar og dæmdur í 60 daga skilorðsbundið fangelsi. Fíkniefnin voru gerð upptæk.
