Hörður Snævar Jónsson fór yfir fréttir vikunnar með Helga Fannari Sigurðssyni í Íþróttavikunni á 433.is.

Framtíð Alberts Guðmundssonar landsliðsmann hjá Fiorentina á Ítalíu er í mikilli óvissu, en liðið er á botni deildarinnar. Hann er sterklega orðaður við Roma.

„Það væri bara geðveikt að fara þangað. Hann var öflugur á síðustu leiktíð en hann eins og aðrir í liðinu ekki verið góðir á þessu tímabili. Fiorentina á aldrei að vera að þefa af fallbaráttu í þessari deild og það er klárlega mikil ólga þarna,“ sagði Hörður.

Albert kostaði Fiorentina um 25 milljónir evra þegar hann kom frá Genoa.

„Það þarf sennilega að borga það allavega. Það væri bara gott fyrir hann að komast burt frá Fiorentina eins og staðan er núna og frábært að komast til Roma,“ sagði Hörður enn fremur.

Þátturinn í heild er í spilaranum.