Oliver Glasner, knattspyrnustjóri Crystal Palace, lét enn á ný í ljós óánægju sína með leikmannamál félagsins eftir 2-1 tap gegn Manchester United í gær.

Glasner hefur margoft gagnrýnt stjórn félagsins fyrir litla hreyfingu á leikmannamarkaðnum í suma, sér í lagi í ljósi þess að Palace vann bikarinn í vor og spilar í Sambandsdeildinni á þessari leiktíð.

„Ef þú spilar í Evrópu í fyrsta sinn í sögu félagsins, þá áttu að fjárfesta, ekki spara. Við höfum staðið okkur vel og erum í fínni stöðu bæði í deild og bikarkeppnum, en janúarglugginn kemur of seint. Þá verðum við búnir að spila meira en helming leikja,“ sagði Glasner.

Hann benti einnig á að Ismaila Sarr hafi meiðst í leiknum og fari auk þess á Afríkukeppnina.

„Allt sem við stöndum frammi fyrir núna kemur ekki á óvart. Það var ljóst í sumar hvað þyrfti að gera. Ég sagði ekkert þá, en nú er rétt að benda á að við misstum af tækifæri til að bæta liðið og gera tímabilið enn betra.“

Glasner hefur verið orðaður við stærri félög og þessi pirringur hans ýtir undir að hann gæti farið annað.