Halldór Árnason, fyrrum þjálfari Breiðabliks, var gestur Helga Fannars Sigurðssonar í nýjasta þætti af Íþróttavikunni á 433.is.

Halldór var látinn fara frá Breiðabliki í haust og þó ákvörðunin hafi verið svekkjandi fyrir hann skilur hann sáttur við félagið og leikmenn.

„Mér þykir mjög vænt um samband mitt við leikmenn og leikmannahópinn og mér líður svo að það hafi ríkt mikið traust á milli frá fyrsta degi til þess síðasta,“ sagði hann í þættinum.

Halldór gerði Blika að Íslandsmeisturum í fyrra á fyrsta tímabili sínu sem aðalþjálfari, en hann hafði einnig unnið titilinn sem aðstoðarþjálfari Óskars Hrafns Þorvaldssonar.

„Ég hef verið þarna í sex ár, eignast góða vini og nána og eytt miklum tíma með fólki. Heilt yfir var þetta frábær tími,“ sagði Halldór enn fremur.

Umræðan í heild er í spilaranum.