Arsenal hefur óskað eftir því að útileikur liðsins gegn Everton fyrir jól verði færður um einn dag til að forðast að spila tvo leiki á þremur dögum.
Leikurinn er sem stendur á dagskrá sunnudaginn 21. desember kl. 14:00, en Arsenal vill að hann fari í staðinn fram að kvöldi laugardagsins 20. desember.
Ástæðan er sú að Arsenal mætir Crystal Palace í 8-liða úrslitum enska deildarbikarsins þann 23. desember. Sá leikur var færður frá 16. desember, þar sem Palace spilar í Evrópudeildinni og hefði annars þurft að spila þrjá leiki á fimm dögum.
Arsenal vill því fá auka hvíldardag fyrir leikinn gegn Palace og hefur gert ensku úrvalsdeildinni grein fyrir því.
