CBC í Kanada greinir frá þessu en ákæran var gefin út í byrjun október og varðar atvik sem átti sér stað 30. desember 2017.
Í frétt People kemur fram að ákæruvaldið í Nova Scotia hafi gefið ákæruna út og hefur Smith fengið þau fyrirmæli að setja sig ekki í samband við meint fórnarlamb.
Meint brot átti sér stað í Dartmouth í Nova Scotia en upplýsingar um eðli brotsins koma ekki fram í fréttum erlendra miðla.
Fyrirtækið Trailer Park Boys Inc. sem sér meðal annars um framleiðslu á þáttunum, segir í yfirlýsingu að Smith hafi stigið til hliðar á meðan málið fer sína leið fyrir dómstólum.
„Við erum meðvituð um ásökunina á hendur Mike Smith sem nær aftur til ársins 2017 og tökum slík mál mjög alvarlega,“ sagði í yfirlýsingunni. „Við gerum okkur grein fyrir því hversu erfið mál af þessu tagi er fyrir alla sem að því koma.”
Smith er þekktur fyrir hlutverk sitt sem Bubbles í gamanþáttunum Trailer Park Boys en þættirnir hófu göngu sína árið 2001 og stóðu til ársins 2007. Netflix tók við framleiðslunni árið 2014 og framleiddi fimm seríur til viðbótar og stendur til að frumsýna 13. seríuna í apríl næstkomandi.
