Maður varð fyrir alvarlegri árás hákarls þar þegar hann var á „standbretti“ (e. paddleboard) vestur af eyjunni Fuerteventura í Kanarí eyjum. Er þetta mjög óalgengt. Yfirvöld biðja fólk að fara varlega í sjónum.

Miðillinn Canary Weekly greinir frá þessu.

Atvikið átti sér stað á sunnudag nálægt stað sem heitir Los Molinos, sem er vinsæll staður fyrir vatnasport.

Maðurinn var á nokkurri ferð á standbrettinu þegar hákarlinn réðst á hann. Fyrst beit hákarlinn í brettið og síðan í fótlegginn á manninum. Fékk hann stórt og mikið sár eftir dýrið en náði að komast sjálfur í land. Þrátt fyrir að sárið væri djúpt var maðurinn ekki talinn í lífshættu.

Að sögn sjónarvotta greip um sig ótti meðal gesta á staðnum eftir árásina. Yfirvöld á staðnum hafa beðið fólk að sýna aðgát og tilkynna um allt óvenjulegt sem það sér í sjónum. Ekki hafa þó verið gerðar neinar auka öryggisráðstafanir af hálfu yfirvalda.

Málið þykir mjög óvenjulegt. Sjaldgæft er að strandargestir sjái hákarla við Kanaríeyjar og enn þá sjaldgæfara er að þeir ráðist á fólk.