Jón G Hauksson og Sigurður Már Jónsson segja ríkisstjórnina skattaglaða. Nú stendur til að auka skatta á orkuveitur sem eru í opinberri eigu og í einokunarstöðu og þá mun ferðaþjónustan sömuleiðis finna fyrir hugmyndum ríkisstjórnarinnar um auðlindagjöld.

„Fyrirtæki í landinu þau eru með ríkisstjórn sem er skattaglöð. Nú á að fara að herja á ferðaþjónustuna væntanlega, hitaveita landsmanna, nú á að fara að setja eitthvert gjald þar þannig að orkuverð á Íslandi er augljóslega að fara að hækka,“ segir Jón í nýjasta þætti þeirra félaga í Hluthafaspjallinu.

„Öll þessi fyrirtæki eru í opinberri eigu og hver borgar það þá, þau bara hækka gjaldið á almenning í landinu,“ segir Sigurður.

Jón rifjar upp þegar Jón Gnarr, þá borgarstjóri í Reykjavík, lýsti Orkuveituna gjaldþrota.

„Menn komu hérna frá Norræna fjárfestingarbankanum í einkaflugvélum hver á fætur öðrum sem höfðu lánað Orkuveitunni. Hvað gerði svo Jón Gnarr til þess? Fyrst var nú tekið þarna vatnsveitugjald, það var tekið út úr fasteignagjöldum. Síðan er það alveg hækkað og hækkað þannig að bæði fasteignagjöld og þetta vatnsveitugjald það fer upp. Svo hækkaði hann náttúrlega bara verðið. Grínistinn, hann bara sagði ókei og hækkaði þá verðið. Það er engin samkeppni, þetta er bara einokun. Við getum gert hvað sem er. Nei koma þá ekki hver af öðrum hlaupandi upp og segja hallelúja, hallelúja með Jón Gnarr. Hann bjargaði Hitaveitunni, hann bjargaði Orkuveitunni. Það er enginn vandi að bara hækka verðið þegar þú ert með einokun og þú ert fastur í kerfinu.