Stefán Einar Stefánsson, stjórnandi Spursmála hjá Morgunblaðinu, er æfur yfir þeirri ákvörðun borgarstjórnar að flagga fána Palestínu við Ráðhús Reykjavíkur. Í Facebook-pistli kallar hann einn borgarfulltrúann kynskipting og bendir á að stjórnvöld í Palestínu fari ekki mjúkum höndum um slíkt fólk:

Þetta er fáni ríkis sem lýtur stjórn hryðjuverkasamtaka. Hóps manna sem hafa það að markmiði að láta óvini sína drepa sem flesta af þeirra eigin þjóð.

Þarna sést meðal annarra Alexandea Briem á myndinni. Hún er kynskiptingur. Við vitum hvernig stjórnvöld í Palestínu fara með hennar líka. Þeir myrða það fólk köldu blóði. Einnig samkynhneigða og jafnvel konur sem grunaðar eru um framhjálhald eða lauslæti. Óvinaþjóðin sem hún hatar eru Ísraelar. Í Tel Aviv er eitt frjálslyndasta og stórkostlegasta lýðræðissamfélag sem heimurinn hefur kynnst. Hún óskar þess að Hamas-dauðasveitirnar hafi sigur á því samfélagi!

Hversu heimskt getur fólk orðið þegar það trommar upp stuðning við fólk sem vill það feigt og hatar það heilu hatri fyrir það sem það er?

Er farið að bjóða upp á aðgerðir í heilbrigðiskerfinu þar sem heilinn er tekinn úr fólki en ekki maginn eða önnur líffæri?

Líflegar umræður eru undir færslunni og þar slær Stefán Einar ekkert af. Sagnfræðingurinn Stefán Pálsson segir færsluna ekki vera honum til sóma og Stefán Einar svarar honum svona:

„Í guðanna bænum kæri frændi. Nógu mikill kjáni ertu í varnar- öryggismálum til þess að bæta ekki ofan á það með svona yfirlæti. Sennilega myndu Hamas-samtökin ekki nenna að drepa þig en ég vil ekki stóla á það og þess vegna held ég að þú ættir að hafa vit á því að styðja Vesturlönd í því að reyna að ráða niðurlögum þeirra, rétt eins og Isis, Islamic Jihaad og annarra viðlíka. Eða ætlar þú að taka þér stöðu með þeim líka? Af hverju flaggið þið rugluverkið ekki bara íranska fánanum við Ráðhúsið. Það yrði ykkur til sóma.“