Lucas Vazquez, leikmaður Real Madrid, á í viðræðum við Fenerbahce samkvæmt tyrkneskum miðlum.
Samningur Vazquez við Real Madrid er að renna út. Hann kom í gegnum unglingastarf félagsins, hefur spilað yfir 400 leiki, unnið Meistaradeildina fimm sinnum og La Liga fjórum sinnum.
Hann mun hins vegar ekki skrifa undir nýjan samning og er á förum. Nú hefur hann hafið viðræður við Fenerbahce, sem Jose Mourinho stýrir.
Vazquez er ekki eina stjarnan á blaði í Istanbúl því menn eins og Neymar, Kyle Walker og Heung-Min Son hafa einnig verið orðaðir við félagið.
