Arsenal hefur áhuga á Noni Madueke, kantmanni Chelsea, samkvæmt Telegraph.
Skytturnar vilja auka breiddina í fremstu víglínu og horfir félagið til Madueke, sem lék stóra rullu með Chelsea á leiktíðinni.
Chelsea er sagt opið fyrir því að hlusta á tilboð í þennan 23 ára gamla leikmann.
Arsenal er þá ekki eina félagið sem hefur áhuga, heldur einnig fleiri félög í ensku úrvalsdeildinni.
Madueke skoraði 11 mörk og lagði upp 5 í öllum keppnum með Chelsea á síðustu leiktíð.
