Florian Wirtz er búinn að standast læknisskoðun á æfingasvæði Liverpool.
Wirtz er að koma til Liverpool frá Leverkusen á 116 milljónir punda. Verður hann dýrasti leikmaður í sögu félagsins.
Þá skrifar Þjóðverjinn undir fimm ára samning á Anfield. Verður hann sennilega kynntur til leiks von bráðar.
Wirtz hefur verið einn eftirsóttasti leikmaður heims og orðaður við lið eins og Real Madrid og Manchester City. Hann endar hins vegar hjá Liverpool.
Liverpool hefur þegar tryggt sér annan leikmann frá Leverkusen í sumar, vængbakvörðinn Jeremie Frimpong.
