Hún lýsir upplifun sinni af íslenska heilbrigðiskerfinu, miðað við það bandaríska, í myndbandi sem hefur vakið athygli á TikTok. Hún segir einnig frá því hvað læknismeðferðin og sjúkrahúsdvölin kostaði hana og segir að í Bandaríkjunum hefði þetta verið allavega tífalt dýrara.
Casie segir að hún hafi aldrei upplifað jafn skilvirkt ferli hjá heilbrigðisþjónustu, en hún er sjálf hjúkrunarfræðingur og hefur því séð ýmislegt.
Hún var tvær nætur á bráðamóttökunni og eina nótt til viðbótar á sjúkrahúsinu. Hún fer yfir alla læknismeðferðina í myndbandinu, en hún fór meðal annars í röntgenmyndatöku og tölvusneiðmyndatöku, það var einnig sett upp slanga – og síðar tekin – í brjóstholið.
Casie segir að þetta hafi kostað hana allt samtals um 1.450.000 krónur eða 11.500 bandaríska dali.
„Ég veit hvað þið eruð að hugsa, þetta er mikill peningur, ég skil það. En ef þetta hefði gerst fyrir mig í Bandaríkjunum og ég væri ekki tryggð, þá hefði verið allavega eitt núll í viðbót við upphæðina.“
Casie talar jákvætt um íslenska heilbrigðisstarfsfólkið.
„Ég fann öðruvísi tengingu við læknana á Íslandi. Ég veit ekki hvort það hafi bara verið vegna þess að ég vissi að þeir væru ekki að græða á mér, þeir voru bara þarna því þá langaði að hjálpa mér og þetta er það sem þá langar að gera í lífinu.“
@caseycattie ok but which European on here wants to marry me so I can get free healthcare forever 💍 #hospital #iceland #socialism #healthcare #europe #international #travel #universalhealthcare ♬ original sound – casey 🌸
