Konan leitar ráða til sambands- og kynlífsráðgjafa The Sun, Dear Deidre.
„Hún er að hóta að mæta í brúðkaupið mitt og eyðileggja allt, ég er svo hrædd,“ segir konan, sem er 30 ára. Unnusti hennar er 32 ára og þau hafa verið saman í fjögur ár.
„Við vinnum bæði mikið og erum mjög þreytt, þar af leiðandi stundum við lítið sem ekkert kynlíf. Mér fannst ég ófullnægð og leitaði annað, í yfirmann minn sem er 39 ára. Hann á kærustu og þau eiga saman fjögurra ára gamla dóttur.“
Konan segir að þau hafi byrjað mjög ástríðufullt ástarsamband og stundað kynlíf á skrifstofunni eftir að allir fóru heim.
„Það virtist ekki skipta hann neinu máli að ég væri að fara að gifta mig, en tveimur vikum eftir að við byrjuðum að sofa saman sagðist hann elska mig.“
Konan segir að hún hafi áttað sig á því að hún hafi gert risastór mistök.
„Ég elska unnusta minn og vil ekki missa hann. Ég sagði yfirmanni mínum að sambandi okkar væri lokið og hann var ekki sáttur, hann sagðist ætla að hætta með kærustunni sinni fyrir mig. Ég sagði honum að það væri óþarfi, að okkar sambandi væri lokið.
Hann varð reiður og sagði kærustunni sinni frá framhjáhaldinu og lét hana meira að segja fá símanúmerið mitt. Hún hringdi í mig og krafðist þess að ég myndi láta kærastann hennar í friði. Ég bað hana afsökunar og sagði henni að þetta væri búið á milli okkar.
En hún er núna að senda mér skilaboð og er að hóta að eyðileggja brúðkaupið mitt.
Ég veit að það sem ég gerði var rangt, en ég er svo hrædd um að hún standi við hótanir sínar.“
„Hún er kannski að hóta að eyðileggja brúðkaupið, en hún þyrfti að vera frekar öfgakennd til að standa við það og það er mjög ólíklegt að hún geri það. Hún þarf að átta sig á því að kærasti hennar er vandamálið, ekki þú.
Þú ættir að setja eigið samband í forgang, finna leiðir til að styrkja það svo þú endurtakir ekki sömu mistök.“
