Kaffibarinn á Bergstaðastræti er einn elsti barinn í Reykjavík en hann hefur þjónustað þyrst fólk frá árinu 1993. Kaffibarinn er nú til sölu í snækkaðri mynd, sem fuglahús, og getur barinn þannig einnig þjónustað smáfuglana í garðinum. 

Kaffibarinn fuglahús hefur einnig að geyma flöskuopnara og hentar því jafnt innandyra sem utan eins og segir í færslu verslunarinnar Epal. Fuglahúsið er hannað af Hjalta Karlssyni í samstarfi við Epal og forsala er hafin.

Hjalti er eig­andi og hönnuður hjá Karl­sonwil­ker í New York sem nýtur mikillar velgengni á Manhattan.

Fuglahúsin koma í sölu í júlí og aðeins verða 499 eintök í boði.

Ingibjörg Torfadóttir ljósmyndari tók myndirnar af Kaffibarnum fuglahúsinu.