Páll Melsted, doktor í stærðfræði og Jóhanna Jakobsdóttir, doktor í líftölfræði eru foreldrar barna í íþróttafélaginu Aþenu og þekkja vel til starfa körfuknattleiksþjálfarans Brynjars Karls Sigurðssonar.

Í viðtali í Spjallinu með Frosta Logasyni ræða þau meðal annars um skýrslu sem samskiptaráðgjafi íþrótta- og æskulýðsmála vann um þjálfunaraðferðir Brynjars Karls. Þau segja fræðileg vinnubrögð skýrslunnar fá algjöra falleinkun og telja ljóst að hún hafi í raun og veru verið pöntuð af Íþróttasambandi Íslands til þess að koma höggi á Brynjar Karl. Þá segja þau skýrsluna rýra allan trúverðugleika samskiptaráðgjafa íþrótta- og æskulýðsmála og hafa farið fram á að Barna- og menntamálaráðuneytið geri úttekt á embættinu og vinnubrögðum þess.

„Ef ég myndi saka þig um eitthvað og þetta er nafnlaus ásökun þá gætir þú bara hugsað: „Ég veit ekki einu sinni hver þetta er. Ég get ekki matchað við raunveruleikann. Hún [Jóhanna] gat ekki áttað sig á hvaða atvik var verið að tala um,“

segir Páll og bætir við að Jóhanna hafi verið forrmaður Aþenu frá stofnun félagsins árið 2019 og komið mikið að starfinu. Hún sem formaður félagsins fékk skýrslu samskiptaráðgjafa ekki senda til sín.

„Ég er ekki hlutaðeigandi aðili, sem er mjög sérstakt. En í ÍBR, það er sem sagt Íþróttabandalag Reykjavíkur, KKÍ og ÍSÍ, og voru allir hlutaðeigandi aðilar og fengu afrit af skýrslunni. Og þau láku náttúrulega skýrslunni. Einhver af þessum þremur aðilum væntanlega ekki samskiptaráðgjafi, hafa lekið síðan skýrslunni til fjölmiðla.“

Jóhanna segir að í raun og veru sé engin niðurstaða í skýrslunni.

„Þetta er bara svona dálítið blaður. Það er rosa mikið í skýrslunni í viðtengingarhætti. Og þetta er bara svona látið hljóma sem svona, þú lest þetta og þetta er bara vondur maður. Þetta er bara rosalegt. Ef þú pælir í því, hvern skaðar þetta? Embættið er stórskaðað að okkar mati. Og við teljum að það muni verða niðurstaðan hjá eftirlitsaðilunum. Þá yrði það náttúrulega þeir sem embættið á að vera til staðar fyrir. Það er enginn trúverðugleiki. Hvað ef það er einhver alvöru slæmur þjálfari og hann fær eitthvað í hendurnar?“

Aðspurð hvort einhver sé að hlusta á gagnrýni þeirra og hvort einhver sé að fara að fara yfir skýrsluna og vinnubrögðin svarar Jóhanna að þau ætli að sjá til þess að það verði gert. Segir hún það alvarlegt mál ef það gerði ekki gert. Kvörtun liggi inni hjá ráðuneytinu.

„Það eru engir verkferlar hvernig þau eiga að vinna svona skýrslur. Þetta er allt bara í einhverju lausu lofti. Þau eiga til dæmis, sem stendur í lögum, að halda sig up to date með vísindalega þekkingu og miðað við hvernig þau skrifa þetta þá eru þau ekki fær um það. Samt hafa þau beðið um auka pening til þess að gera það, þannig að sá partur er bara algjör peningasóun. Og svo er þetta bara ótrúlega mikilvægt embætti sem er bara outsource-að í einhverja sálfræðistofu úti í bæ eftirlitslausa þar sem er ekki lögfræðingur, ekki lögreglumenn sem hafa reynslu af að rannsaka svona mál. Þetta er bara fólk sem að hefur allt aðra þjálfun og og það er einhvern veginn sett í þetta hlutverk og bara veldur því ekki.“