Ung íslensk stúlka, Freyja Sofie Gunnarsdóttir, birti á dögunum myndband á samfélagsmiðlinum TikTok af óþægilegri reynslu sinni í miðborg Reykjavíkur. Ókunnugur erlendur karlmaður nálgaðist hana og fór að gera hosur sínar grænar fyrir henni um klukkan 5.30 um morguninn þegar Freyja var á leið heim úr vinnu sinni. Freyja  skýrt til kynna að hún hafði engan áhuga á slíku en maðurinn lét sér ekki segjast. Að endingu flúði Freyja inn í nærliggjandi 10-11 verslun í Austurstræti til að losna undan áreiti mannsins. Hann lét sér þó ekki segjast og beið eftir henni fyrir utan verslunina.

Myndbandið umdeilda:

@freyjasofie♬ original sound – Freyja sofie

Myndband Freyju af atvikinu hefur vakið mikla athygli á Tiktok og hefur það fengið yfir 80 þúsund áhorf. Viðbrögðin hafa verið almennt á þá leið að Freyja nýtur samúðar fyrir að lenda í slíkri reynslu en inni á milli finnast nöturlegri skilaboð.

Eitt slíkt kom frá einum manni sem skrifaði einfaldlega: „Þið eruð að klæða ykkur eins og hórur er það eitthvað skrítið eða? 99% af íslenskum gellum líta út eins og hórur“

Freyja lét manninn ekki komast upp með svona ógeðfellda athugasemd heldur birti hún annað myndband, þar sem hún nafngreindi viðkomandi og sýndi dressið sem hún var í þetta kvöld sem var hófstillt með afbrigðum. „Og ég er vandamálið?“ skrifaði Freyja, sem greinilega er með bein í nefinu.

Hér má sjá síðara myndbandið:

@freyjasofie Replying to @Bartek Zambrowski ♬ female rage – bel6va