Hörður Snævar Jónsson skrifar frá Antalya:

,,Það er allt til alls, ég hef verið hérna. Flott svæði og veðrið gott, við erum í góðum málum,“ sagði Jóhann Berg Guðmundsson kantmaður Íslands í samtali við 433.is í Tyrklandi í dag.

Leikmenn liðsins dvelja á frábæru svæði í Antalya og skelltu nokkrir af þeim sér í golf í dag.

,,Ég kíkti í golf í dag og gat ekki rassgat, það er annað mál. Ég var með og það var gaman.“

Kantmaðurinn knái er vongóður fyrir leikinn á föstudag en Ísland má ekki tapa leiknum til að halda sér á lífi varðandi sæti á HM í Rússlandi.

,,Við fórum yfir Tyrkina í gær, við vitum þeirra styrkleika. Við vitum að þetta er allt annað lið á heimavelli og útivelli, þeir sýndu það með því að vinna Króata í síðasta leik. Við teljum okkur eiga mjög góða möguleika, við vitum hvað við eigum að gera til að vinna leikinn.“

Stuðningsmenn Tyrklands eru með mikil læti en það getur unnið á móti þeim ef illa gengur.

,,Þó að það sé frábært að vera með stuðning á heimavelli þá getur það unnið á móti Tyrkjunum, ef það gengur ekki vel verða stuðningsmenn og leikmenn pirraðir. Við verðum að pirra þá vel og fá stuðningsmenn á móti þeim.“

Viðtalið er í heild hér að ofan og neðan.