Markvörðurinn Guglielmo Vicario hjá Tottenham er að íhuga að snúa aftur til Ítalíu í sumar vegna mikillar óvissu hjá Lundúnaliðinu.

Samkvæmt ítalska miðlinum Tuttosport er hinn 29 ára gamli Vicario opinn fyrir brottför, sér í lagi ef Tottenham fellur úr ensku úrvalsdeildinni. Liðið er stigi fyrir ofan fallsvæðið.

Igor Tudor tók við sem stjóri Tottenham út leiktíðina eftir brottrekstur Thomas Frank, en fer hann skelfilega af stað með liðið. Ekki er vitað hver tekur við í sumar.

Vicario kom til Tottenham frá Empoli á sínum tíma og hefur hann verið orðaður við Juventus, sem gæti hreppt hann í sumar, sérstaklega ef marka má þessar fréttir.