Viktor Gyokeres framherji Sporting Lisbon hefur látið félagið vita að hann muni ekki mæta til æfinga hjá félaginu á nýjan leik.
Gyokeres telur Sporting hafa svikið loforð um að selja sig á 60 milljónir punda.
Forseti félagsins hefur látið vita að hann sætti sig ekki við þá upphæð og vilji meira. Arsenal vill kaupa Gyokeres.
Gyokeres hringdi í forsetann í vikunni og lét hann vita að hann myndi ekki mæta til æfinga í sumar, hann vilji burt.
Manchester United hefur einnig áhuga en Sporting keypti Gyokeres frá Coventry fyrir 20 milljónir punda fyrir tveimur árum.
