Stórlið í Evrópu eru undrandi á þeim verðmiða sem AC Milan hefur sett á stórstjörnu sína Rafael Leao sem gæti verið á förum í sumar.

Leao hefur margoft verið orðaður við önnur lið í Evrópu en hann hefur lengi verið einn besti leikmaðurinn á Ítalíu.

Corriere dello Sport er á meðal þeirra sem greina frá því að Milan vilji fá 130 milljónir evra fyrir Leao í sumar sem er svo sannarlega himinhá upphæð.

Portúgalinn er með kaupákvæði í samningi sínum upp á 175 milljónir og er Milan til í að lækka þann verðmiða í 130 milljónir.

Leao er 25 ára gamall sóknarsinnaður leikmaður og skoraði hann 13 mörk og lagði upp önnur í 50 leikjum í vetur.