Það er til skoðunar að banna það að allir leikmenn geti hitað upp á sama tíma í efstu deildum og í bikarnum. Málið var rætt á síðasta stjórnarfundi.

Búið er að fjölda varamönnum í þessum keppnum og allt að níu varamenn eru á skýrslu.

„Halldór Breiðfjörð dómaranefndarmaður fór stuttlega yfir ýmislegt tengt dómaramálum. Dómaranefnd KSÍ hefur lagt til að endurskoðað verði hversu margir leikmenn mega hita upp í einu á leikjum í Bestu deildum kvenna og karla og í aðalkeppni Mjólkurbikars kvenna og karla,“ segir í fundargerð KSÍ.

„Þannig að það verði samræmt við t.d. leiki í mótum á vegum UEFA þar sem hámark fimm leikmenn (ásamt þrekþjálfara) mega hita upp í einu. Samþykkt að fela dómaranefnd að gera tillögu að útfærslu.“

Þá var farið yfir VAR tæknina. „Rætt um stöðu á VAR og mögulegri innleiðingu á Íslandi. Enn er að mörgu að hyggja og algjört lykilatriði er fjármögnun á verkefninu til langs tíma í samstarfi allra hagaðila.“