Jamie Carragher, goðsögn Liverpool, telur að Mikel Arteta fái mest eitt tímabil í viðbót til að skila titli hjá félaginu.

Arteta hefur gert flotta hluti með Arsenal undanfarin fimm til sex ár en liðið hefur enn ekki unnið ensku úrvalsdeildina eða Meistaradeildina undir hans stjórn.

Carragher er hrifinn af verkefni Arteta í London en á endanum munu stuðningsmenn félagsins heimta þann stóra.

Carragher telur að það séu engar líkur á að Arteta verði rekinn í sumar en hann kom Arsenal í undanúrslit Meistaradeildarinnar og situr liðið í öðru sæti úrvalsdeildarinnar.

,,Arteta hefur unnið sér inn mikið hjá félaginu sem er sanngjarnt og rétt,“ sagði Carragher í pistli sínum.

,,Hann þarf hins vegar að skila einhverju á næsta tímabili annars verður hans grunnvinna enda með því að annar maður kemur inn og klárar verkefnið.“