Sigurbjörn Hreiðarsson var gestur Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.
Ari Sigurpálsson gekk í raðir sænska stórliðsins Elfsborg frá Víkingi á dögunum. Hann var lykilmaður í Fossvoginum.
„Þetta er hörkumúv. Elfsborg er hörkulið og hann á þetta svo sannarlega skilið. Þetta er mikil blóðtaka fyrir Víking en frábært fyrir hann,“ sagði Sigurbjörn.
Helgi spurði að því hvernig Víkingur gæti fyllt hans skarð.
„Það er Birnir Snær Ingason eða Kjartan Kári. Birnir er búinn að vera í smá brasi í Halmstad og sögusagnir um að hann vilji koma heim,“ sagði Hrafnkell. Birnir er fyrrum leikmaður Víkings en Kjartan lykilmaður hjá FH.
„Kjartan Kári er leikmaður sem þú þarft að bjóða 20-25 milljónir í, þar til FH segir já,“ sagði Hrafnkell.
Sigurbjörn tók til máls.
„Það eru allir falir fyrir rétta upphæð. Víkingur er í miklum séns á að verða Íslandsmeistari og hann kannski hoppar á þann vagn ef honum býðst það.
Honum líður vel þar og er að gera virkilega góða hluti þar. FH er stór klúbbur og ætlar sér stóra hluti. Það þarf mikið til að Víkingar nái honum ef þeir reyna það.“
Umræðan í heild er í spilaranum.
