Bæði U-17 og U-19 ára lið Íslands í karlaflokki áttu leiki í dag.
Það fyrrnefnda spilaði gegn Póllandi í fyrsta leik liðsins í seinni umferð undankeppni EM 2025 og lauk honum með jafntefli.
Pólland komst yfir á 29. mínútu en það var Tómas Óli Kristjánsson sem skoraði mark Íslands og jafnaði metin á 90. mínútu.
Ísland mætir Belgíu laugardaginn 22. mars klukkan 13:00 og Írlandi þriðjudaginn 25. mars klukkan 13:00.
Það lið sem endar í efsta sæti riðilsins fer áfram í lokakeppnina sem haldin verður í Albaníu. Neðsta lið riðilsins fellur í B deild undankeppninnar fyrir fyrstu umferð undankeppni EM 2026.
U19 tapaði 0-2 gegn Danmörku í fyrsta leik sínum í milliriðlum undankeppni EM 2025.
Ísland mætir næst Austurríki á laugardag og hefst sá leikur kl. 14:00.
Bein útsending verður frá honum á Youtube.
