Gary Neville er á því máli að árið 2026 verði árið þar sem Arsenal vinnur loksins ensku úrvalsdeildina í fyrsta sinn síðan 2004.

Arsenal er vissulega á toppi úrvalsdeildarinnar en hefur áður verið í góðri stöðu á svipuðum tíma þar sem titillinn skilaði sér ekki.

Arsenal er tveimur stigum á undan Manchester City en það er nóg eftir af deildinni og þarf liðið að sýna stöðugleika á næstu mánuðum.

,,Að mínu mati þá er þetta þeirra ár. Það var alltaf hætta á því að City myndi sækja aðeins að þeim og þeir gætu verið niðurlægðir ef Pep Guardiola, Erling Haaland og þeir vinna deildina enn eitt árið,“ sagði Neville.

,,Stuðningsmenn City eru byrjaðir að trúa, þeir eru byrjaðir að trúa að þetta sé þeirra ár og hugsa með sér að Arsenal muni klúðra þessu í mars, apríl eða maí.“

,,Ef þú spyrð mig þá er ég ekki sannfærður um að Arsenal muni klúðra þessu í þetta skiptið.“