Virgil van Dijk, leikmaður Liverpool, hefur tjáð sig um það sem gerðist um helgina er hans menn mættu Tottenham.

Liverpool vann 2-1 sigur á Tottenham á útivelli en það síðarnefnda kláraði leikinn með níu menn á vellinum.

Landi Van Dijk, Xavi Simons, fékk rautt spjald í leiknum fyrir það að stíga á Hollendinginn sem fann vel fyrir því broti.

Þeir félagar ræddu saman eftir leik en Van Dijk er sannfærður um að Simons hafi ekki reynt að meiða sig viljandi.

,,Ég held hann hafi ekki reynt að meiða mig en augljóslega þá var þetta vont og þeir tóku ákvörðun um að senda hann af velli,“ sagði Van Dijk.

,,Ég ræddi við hann eftir það sem gerðist en það er samtal sem þið þurfið ekki að heyra.“