Jesse Lingard er opinn fyrir því að færa sig aftur til Englands og mögulega í ensku úrvalsdeildina eftir áramót.

Leikmaðurinn staðfestir það sjálfur en hann er í dag samningslaus eftir að hafa kvatt lið FC Seoul.

Seoul leikur í Suður-Kóreu en Lingard lék þar í tæplega tvö ár og skoraði 16 mörk í 60 deildarleikjum fyrir félagið.

Fyrir það var Lingard lengi hjá Manchester United en lék einnig fyrir lið eins og West Ham og Nottingham Forest.

Sóknarmaðurinn á að baki 32 landsleiki fyrir England en hann er 33 ára gamall í dag og verður spennandi að sjá hvert hans næsta skref verður.