Halldór Árnason, fyrrum þjálfari Breiðabliks, var gestur Helga Fannars Sigurðssonar í nýjasta þætti af Íþróttavikunni á 433.is.

Halldór var auðvitað þjálfari Breiðabliks á tímabilinu, allt þar til hann var látinn fara í haust. Hann gerði liðið að Íslandsmeisturum í fyrra en hlutirnir gengu ekki upp á nýafstaðinni leiktíð.

„Við áttuðum okkur á því mjög snemma í mótinu að við áttum í vandræðum með að skapa færi, ekki bara skora mörk heldur skapa færi. Það er bara vinna sem við vorum í allt sumar og ég tek það bara á mig, ég fann ekki lausnirnar. Sóknarlínan breytist töluvert. Við vorum með Aron á kantinum og Ísak frammi nánast allt síðasta tímabil, Jason var með okkur fyrri hlutann og svo Davíð.

Nú var þetta Óli Valur, Gústi og svo Tobias. Þetta eru mjög ólíkir leikmenn frá því sem var. Þetta eru samt frábærir leikmenn, ég er ekki að segja að það hafi ekki verið svo. Ég bara fékk þetta ekki til að tikka,“ sagði Halldór meðal annars um það sem fór úrskeiðis.

„Við breyttum töluvert varnarleiknum, fórum mikið maður á mann. Á móti betri liðunum er það eina leiðin, þú dettur niður eða ferð maður á mann. Svo í kringum Evrópu ætlum við aðeins að spara orku og héldum að við gætum gert þetta eitthvað öðruvísi. En þá er okkur pakkað saman, ætli það sé ekki það sem ég sé mest eftir? Að hafa farið all in maður á mann í hvern einasta leik.“

Umræðan í heild er í spilaranum.