Halldór Árnason, fyrrum þjálfari Breiðabliks, var gestur Helga Fannars Sigurðssonar í nýjasta þætti af Íþróttavikunni á 433.is.
Halldór tjáði sig í fyrsta sinn um brottrekstur sinn frá Blikum fyrir rúmum mánuði síðan á dögunum. Hann gaf ekki kost á viðtölum strax og tíðindin bárust og tók hann sér frí erlendis með fjölskyldu sinni.
„Það voru líka mikilvægir leikir framundan svo þetta var líka af virðingu fyrir liðinu og þeim leikjum var fínt að leyfa þeim að eiga athyglina og einbeita sér að þeim,“ sagði Halldór í þættinum.
„Ég fann líka þegar ég fór út að það var gott að geta notið þess að vera bara í núinu. Maður fer í frí eftir hvert tímabil en það er alltaf eitthvað framundan, svo þetta vra mjög frelsandi, að geta verið á staðnum.“
Umræðan í heild er í spilaranum.
