Halldór Árnason, fyrrum þjálfari Breiðabliks, var gestur Helga Fannars Sigurðssonar í nýjasta þætti af Íþróttavikunni á 433.is.

Alexander Isak hefur ekki náð að stimpla sig inn hjá Liverpool eftir að hann var keyptur á 130 milljónir punda frá Newcastle í sumar, ekki frekar en liðið á tímabilinu. Hann fór í stríð við Newcastle til að komast burt í sumar.

„Sem þjálfari hugsaði ég þegar þeir voru að taka hann, Newcastle tekur hann og hjálpar honum og hann auðvitað þeim líka, en hvernig hann hagaði sér gegn Newcastle hefði ég sem þjálfari Liverpool spurt: Hvernig mun hann haga sér hér þegar Real Madrid vill hann?

Ég hefði ekki tekið hann. Hann virðist ekki vera í formi, var lengi frá æfingum og leikjum. Ekitike hefur komið á óvart og gert vel. Það getur verið vesen ef þú ætlar að troða honum inn í liðið,“ sagði Halldór um sænska framherjann.

Umræðan í heild er í spilaranum.