Max Dowman, 15 ára undrabarn Arsenal, stal senunni í UEFA Youth League í gær þegar hann skoraði glæsilegt mark í 4-2 sigri U-19 liðsins gegn Bayern Munchen.
Dowman, sem hefur þegar spilað fimm leiki fyrir aðalliðið á tímabilinu, var ekki í hópnum hjá Mikel Arteta í Meistaradeildinni, en lét að sér kveða með yngra liðinu. Hann skoraði tvö mörk.
Markið sem vakti meiri athygli kom í uppbótartíma, en þar sýndi Dowman hreint ótrúlega takta. Hafa margir dást að snilli hans, en markið má sjá hér að neðan.
MAX DOWMAN. THAT IS AN UNREAL GOAL FOR ARSENAL 🤯 pic.twitter.com/2PIv8TNTmm
— CBS Sports Golazo ⚽️ (@CBSSportsGolazo) November 26, 2025
