Idrissa Gana Gueye, miðjumaður Everton, hefur stigið fram og beðist afsökunar eftir að hafa fengið beint rautt spjald fyrir að slá liðsfélaga sinn, Michael Keane, í 0-1 sigrinum gegn Manchester United.

Atvikið átti sér stað á 13. mínútu þegar samherjarnir rifust sín á milli inni. Í öllu látunum sló Gueye til Keane og fékk fyrir það verðskuldað rautt spjald.

Meira
Sjáðu ótrúlegt atvik á Old Trafford í kvöld – Fékk rautt spjald fyrir að slá liðsfélaga

Everton tókst samt sem áður að vinna frækinn sigur manni færri með marki Kiernan Dewsbury-Hall.

„Ég vil byrja á því að biðja liðsfélaga minn Michael Keane afsökunar. Ég ber fulla ábyrgð á gjörðum mínum. Ég bið einnig alla leikmenn, starfslið, stuðningsmenn og félagið afsökunar.

Þetta endurspeglar ekki þann mann sem ég hef að geyma eða þau gildi sem ég stend fyrir. Tilfinningar geta vaknað, en ekkert réttlætir svona hegðun. Ég skal sjá til þess að þetta gerist ekki aftur,“ segir Gueye.

David Moyes, stjóri Everton, staðfesti að Gueye hefði beðist afsökunar í klefanum strax eftir leik.