Manchester United, Liverpool og Tottenham gætu hafa spennt eyrun eftir fregnum um að Antoine Semenyo verði hugsanlega fáanlegur á verulega lækkuðu verði í janúar.

Semenyo, 25 ára, hefur átt frábært tímabil með Bournemouth og skorað sex mörk í 12 leikjum auk þess að leggja upp þrjú til viðbótar.

Samkvæmt The Athletic gæti framherjinn farið fyrir allt niður í 65 milljónir punda í janúarglugganum, þar sem Bournemouth telur sig mögulega lítið geta gert til að halda leikmanninum ef stóru félögin mæta með tilboð.

Ghana-maðurinn skrifaði undir nýjan samning í sumar til 2030, en í honum er uppsagnarákvæði sem er sagt vera einmitt 65 milljónir punda. Hver sem er getur virkjað það, en það þarf að gerast fyrir ákveðinn dag til að Bournemouth hafi tíma til að finna arftaka.

Bournemouth mun reyna að standa í lappirnar og hafna áhugasömum félögum, en gæti staðið frammi fyrir tilboðum sem erfitt verður að neita. Verði sagan fram á sumar mun uppsagnarákvæðið lækka enn frekar.