Keflvíkingar eru komnir í þjálfaraleit eftir að ljóst varð að leiðir félagsins og Guðrúnar Jónu Kristjánsdóttur, þjálfara kvennaliðsins, myndu skilja.
Keflavík spilar í Lengjudeildinni og hafnaði í 8. sæti þar í sumar, á fyrsta heila tímabili Guðrúnar Jónu við stjórnvölinn.
Tilkynning Keflavíkur
Guðrún Jóna Kristjánsdóttir og stjórn Knattspyrnudeildar Keflavíkur hafa komist að samkomulagi um að Guðrún Jóna láti af störfum sem aðalþjálfari kvennaliðs félagsins.
Guðrún var aðstoðarþjálfari kvennaliðsins frá 2023-2024 og tók við stjórn liðsins undir lok tímabils 2024 eftir erfitt tímabil.
Stjórn Knattspyrnudeildar Keflavíkur þakkar Guðrúnu Jónu fyrir mjög gott samstarf og fórnfúst starf í þágu félagsins og óskar henni góðs gengis í þeim verkefnum sem hún tekur sér fyrir hendur í framtíðinni.
Guðrún Jóna vill koma á framfæri þökkum til leikmanna, stjórnar, kvennaráðs og stuðningsmanna fyrir frábært samstarf. Hún óskar Keflvíkingum góðs gengis í framtíðinni.
