Rivaldo, fyrrum leikmaður Barcelona, segir að það sé sorglegt hversu mikla umfjöllun einkalíf táningsins Lamine Yamal fær í fjölmiðlum.

Yamal komst mikið í fréttirnar fyrr í sumar er hann sást skemmta sér ásamt dvergum sem hann á að hafa ráðið inn sem skemmtiatriði í 18 ára afmæli sínu.

Yamal var þarf að upplifa svörtu hlið fótboltans í fyrsta sinn en hann mun seinna gera sér grein fyrir því hversu ágengir fjölmiðlar geta verið.

Yamal er einn efnilegasti ef ekki efnilegasti leikmaður heims en hann spilar með Barcelona og spænska landsliðinu.

,,Lamine er klár strákur, hann veit í hvaða heimi hann lifir í en því miður þá geta svona hlutir gerst og sérstaklega á þessum aldri,“ sagði Rivaldo.

,,Allt sem hann gerir verður stærra útaf fjölmiðlum og hans aldurs. Við þurfum að forðast svona athygli.“

,,Það sem við viljum að sé talað um er það sem hann gerir inni á vellinum sem er svo magnað. Ég vona að þessar sögusagnir og orðrómar tilheyri sögunni því þær pirra mann, það er sorglegt að lesa þetta.“