Mikael Nikulásson sérfræðingi Þungavigtarinnar blöskraði hvernig Halldór Árnason þjálfari Breiðabliks talaði eftir 1-1 jafntefli gegn Fram í fyrradag.

Halldór lét hafa eftir sér að Fram hefði verið með varnarmaúr og sparkað langt, liðið hefði þá spilað ansi fast gegn sínum mönnum.

„Þetta er eitt slakasta viðtal sem ég hef séð, Blikar komust yfir í Vestmannaeyjum fyrir nokkrum dögum og voru svo í vörn. Þetta er diss á Framarana, Dóri á að koma í viðtal eftir leik og þakka dómaranum fyrir stigið,“ sagði Mikael í þættinum.

Blikar fengu umdeilda vítaspyrnu í uppbótartíma þar sem Arnar Þór Stefánsson dómari leiksins benti á punktinn.

„Hann gerir ekkert nema að skjóta á Framarana, þetta var bara djók. Ég ætla ekki að væna strákinn um henda sér niður, hann bara hitir ekki boltann,“ sagði Mikael en Ágúst Orri Þorsteinsson féll þá í teignum hjá Fram.

„Hann var beint fyrir framan þetta, hann gaf Breiðablik stigið. Dóri á að vera á fundi með honum núna og rétta honum umslag en halda kjafti með eitthvað svona. Hættu að skjóta á andstæðingana.“