Milos Kerkez mun gangast undir læknisskoðun hjá Liverpool í dag, áður en hann skrifar undir samning við félagið. The Athletic segir frá þessu.
Vinstri bakvörðurinn kemur frá Bournemouth og verður arftaki Andy Robertson, sama hvort Skotinn fari í sumar eða ekki.
Liverpool greiðir 40 milljónir punda fyrir Ungverjann og skrifar hann undir fimm ára samning.
Kerkez hefur verið í tvö ár hjá Bournemouth og stóð sig vel í öflugu liði Bournemouth síðasta vetur.
Englandsmeistararnir hafa verið duglegir á markaðnum í sumar. Florian Wirtz og Jeremie Frimpong eru þegar komnir frá Bayer Leverkusen og nú má búast við að Kerkez verði kynntur von bráðar.
