Brighton hefur mikinn áhuga á Harvey Elliot hjá Liverpool og er að undirbúa tilboð ef marka má The Sun.

Hinn 22 ára gamli Elliot er líklega á förum frá Liverpool í sumar til að komast í stærra hlutverk annars staðar. Hlutverk hans á Anfield fer minnkandi með komu Florian Wirtz, dýrasta leikmanns í sögu úrvalsdeildarinnar.

Brighton hefur áhuga og það sama má segja um Nottingham Forest. Elliot ku þó vera spenntari fyrir fyrrnefnda liðinu og er það nú sagt undirbúa um 40 milljóna punda tilboð.

Elliot varð yngsti leikmaður til að byrja leik fyrir Liverpool í septemer 2019, 16 ár og 174 daga. Kom hann frá Fulham skömmu áður.

Englendinginn dreymdi um að spila fyrir Liverpool og vildi helst gera það áfram, en sem fyrr segir þarf hann líklega að fara til að fá alvöru spiltíma.