Emi Martinez er að reyna að koma í gegn skiptum til Manchester United og stjóri liðsins, Ruben Amorim, vill ólmur fá hann.

The Sun heldur þessu fram, en United er í leit að nýjum markverði eftir tvö fremur slök tímabil Andre Onana á milli stanganna.

Nokkrir hafa verið orðaðir við United en samkvæmt þessum nýjustu fréttum dreymir hinn 32 ára gamla Martinez að spila fyrir United og hefur Amorim þá lengi verið aðdáandi hans.

Portúgalinn telur heimsmeistarann vera rétta karakterinn inn í búningsklefann á Old Trafford eftir mikil vonbrigði á síðustu leiktíð.

Martinez á þó fjögur ár eftir af samningi sínum við Villa. Hann skrifaði undir hann í fyrra og þénar 150 þúsund pund á viku.

Martinez hefur verið hjá Villa síðan 2020, en hann kom frá Arsenal, þar sem hann hafði verið varaskeifa í mörg ár.