Inter er að ganga frá kaupum á Ange-Yoan Bonny, framherja Parma. Sky á Ítalíu segir að með þessu sé nánast útilokað að Inter kaupi Rasmus Hojlund frá Manchester United.

Inter rífur fram 21 milljón punda fyrir Bonny sem er 21 árs gamall og lék undir stjórn Cristian Chivu hjá Parma á síðustu leiktíð.

Chivu hefur nú tekið við hjá Inter af Simone Inzaghi sem hætti í vor til að fara til Sádí Arabíu.

Bonny skoraði sex mörk og lagði upp fjögur í 37 leikjum í Seriu A á síðustu leiktíð.

Inter hefur reynt að fá Hojlund frá United en hann vill halda áfram á Old Trafford og berjast fyrir sætinu sínu.