West Ham hefur samkvæmt nýjustu fregnum boðið Chelsea að fá sóknarmaninn Mohammed Kudus í sumarglugganum.
Kudus er einn mest spennandi leikmaður West Ham en félagið er tilbúið að losa hann í mögulegum skiptidíl í sumar.
West Ham hefur áhuga á markmanninum Robert Sanchez hjá Chelsea sem verður líklega ekki aðalmarkvörður þeirra bláklæddu næsta vetur.
Chelsea þyrfti líklega að borga einhverja upphæð á milli en Kudus er verðmetinn á um 50-60 milljónir punda.
Chelsea er að skoða markvörð þessa stundina en það er Mike Maignan sem spilar með AC Milan á Ítalíu.
